श्रीगोंदा (प्रतिनिधी) कोरोना विषाणू प्रादुर्भावामुळे आपण आदेश काढुन सलुन दुकान दि.23 मार्च पासून बंद ठेवण्यास सांगितले या काळामध्ये सलून व्यवसायिकांनी आपले आदेश पाळून सलून व्यवसाय पूर्णतः बंद ठेवले.पण सलून व्यवसायिकांवर उपासमारीची वेळ आली आहे. आम्ही आपणांस अनेक वेळा निवेदन देऊन हि आपण सर्व व्यवसाय सुरू करण्यास परवानगी दिली नाही. तामिळनाडू, दिल्ली या सारख्या राज्यांना सलून व्यवसायास नियमासह परवानगी दिली आहे. आपण हि अशा प्रकारे नियमावली घालून सलून व्यवसाय सुरू करण्यास परवानगी द्यावी.किंवा दरमहा १० हजार रु. प्रत्येकी सलून व्यावसायिकास (दुकान मालक व कारागीर) यांना तातडीने द्यावे.नसता दि.८ जुन 2020 पासून लोकशाहीच्या मानवी मूल्यांच्या अधिकारानुसार आम्ही कुठल्याही आंदोलनाची भूमिका घेऊ.या आंदोलनामुळे काही परिणाम उध्दभवल्यास सर्वतोपरी शासन आणि शासनच जबाबदार राहिल असे निवेदन श्रीगोंदा तालुका बारा बलुतेदार महासंघ व श्रीगोंदा तालुका नाभिक महामंडळ यांच्या वतीने निवेदन आज श्रीगोंदा तहसील कार्यालयात देण्यात आले. 
श्रीगोंदा तहसील कार्यालयात श्रीगोंदा चे तहसीलदार श्री.महेंद्र माळी व नायब तहसीलदार सौ.चारुशिला पवार यांना निवेदन देण्यात आले. यावेळी नाभिक युवक जिल्हाध्यक्ष पै.अजय रंधवे,अहमदनगर जिल्हा बारा बलुतेदार महासंघाचे नेते श्री.कांतीलाल कोकाटे, श्रीगोंदा तालुकाध्यक्ष श्री.विजय(भाऊ) क्षिरसागर, शिवराय केसरी पै.रोहन(बंटी) रंधवे,१२ बलुतेदार जिल्हा सचिव श्री.इंद्रजित दादा कुटे,युवक जिल्हा संपर्क प्रमुख श्री.शरद शिंदे, १२ बलुतेदार जिल्हा संपर्क प्रमुख श्री.गणेश शिंदे,श्री.मल्हारी रंधवे, श्रीगोंदा शहराध्यक्ष श्री.राजेंद्र कुटे,श्री.अशोक सांगळे,श्री.रोहित क्षिरसागर, श्री.सनी दळवी,श्री.अनिल राऊत, श्री.सागर राऊत,श्री.महेश शिंदे, श्री.माऊली कोकाटे, श्री.अक्षय दळवी यावेळी उपस्थित होते.
